Dr.Martens X Urbaner: მხოლოდ სტილი, თუ ცხოვრების წესი?
ჩემთვის, როგორც ურბანერისთვის რთული იქნებოდა წარმოდგენა, რომ იყო დრო, როდესაც არ არსებობდა Dr. Martens - კლასიკური ტყავის ბათინკები და ოქსფორდები, რომლებიც წლების განმავლობაში ქუჩის სტილის ძირითადი შემადგენელი ნაწილი გახლდათ. Dr. Martens ალბათ იმით არის გამორჩეული, რომ მას თავისუფლად იხდენს სტუდენტიც, მოგზაურიც, ოფისის თანამშრომელიც და მოკლედ ყველა, ვისაც უყვარს ურბანული სტილი და რაც მთავარია, კომფორტი.
სამოცდაათიანი, ოთხმოციანი წლებისათვის Dr. Martens გახდა მუსიკის, რევოლუციების და თვითგამოხატვის სინონიმი და საბოლოოდ, Martens-ის საბრძოლო სტილის ჩექმებს, ტყავის ლოფერებს და ოქსფორდებს თითქმის ყველა როკ-არტისტი ატარებდა.
და ალბათ ისევე, როგორც ყველაფერი მნიშვნელოვანი ბავშვობის ემოციებთან არის დაკავშირებული, ჩემი Dr. Martens ბათინებისადმი ერთგულებაც სწორედ მუსიკიდან, ბავშვური რევოლუციონერობიდან და თავისუფლების სიყვარულიდან გამომდინარეობს და სწორედ ამიტომ, ეს აღარ არის მხოლოდ სტილი.. ეს უკვე ცხოვრების წესია.. ჩემი ურბანული ცხოვრების წესი..