ფესტივალების ხიბლი

 ხმაურიანი ურბანული ცხოვრების შუაგულში, სადაც კულტურები ერთმანეთს ეჯახება და კრეატიულობა ვითარდება, ის ცოცხალი და მომხიბვლელი სამყარო არსებობს, რომლითაც შებყრობილი ვარ. ამ სამყაროს კი მუსიკის სამყარო ჰქვია. და როგორც ყველა ნამდვილ ურბანერს, მეც ენერგიის ის უნიკალურობა მიზიდავს, რომელიც ქალაქის ფესტივალებს ახასიათებთ. შეუძლებელია არ მოგხიბლოს ურბანულმა გეტო სტილმა, მუსიკამ და იმ ენით აღუწერელმა გრძნობებმა, რაც მას თან ახლავს.

ფესტივალზე შესვლისთანავე ჩემს სხეულში მუსიკის პულსირებული რიტმი აჟღერდა, რაც იმ თავგადასავლისთვის მამზადებდა, რომელიც მელოდა. ატმოსფერო ელექტრო, მრავალფეროვანი ინდივიდების ერთობა - ეს ის ადგილი იყო, სადაც თითოეული ჩვენგანი თავს ურბანული სტილის ტანსაცმლით და აქსესუარით გამოხატავდა. ცოცხალი ფერები, თამამი პრინტები და არატრადიციული მოდის არჩევანი კი იმ ვიზუალურ დღესასწაულს ქმნიდნენ, რომლის შეთავაზებაც მხოლოდ ურბანულ სცენას შეეძლო.

მუსიკა, ანუ ფესტივალის გულისცემა ყოველი კუთხიდან ისმოდა, ეს კი სცენებთან მაახლოვებდა. ანდერგრაუნდ ხმების შესანიშნავი ნაზავი აერთიანებდა ისეთ ჟანრებს, როგორიცაა პანკ-როკი, ტექნო და ჰაუსი. დიჯეები და შემსრულებლები ოსტატურად კურირებდნენ იმ ხმოვან გამოცდილებებს, რომლებიც ყოველგვარ საზღვრებს სცდებოდნენ და ხალხს რიტმისა და მელოდიის კოლექტიური ზეიმით აერთიანებდნენ. მეც მუსიკას მივანდე თავი და ჩემი ყოველი მოძრაობა მის ნებაზე მივუშვი

ახალ შეძენილ მეგობრებთან ერთად ცეკვამ და სიცილმა, განთავისუფლებისა და მიკუთვნებულობის მოზღვავება მაგრძნობინა. ეს ის ადგილი იყო, სადაც პირადად ვიგრძენი თანამოაზრე სულების ერთიანობა; ურბანულმა კულტურამ მოიცვა ინდივიდუალობა და წაახალისა თვითგამოხატვა განსჯის გარეშე, ეს ადგილი კი იმ სივრცედ გადააქცია, სადაც ყველამ შეძლო გამხდარიყო ავთენტური მე, გათავისუფლებულიყო ყოველგვარი მოლოდინებისგან და უკან მოუხედავად გადაშვებულიყო მიღებისა და გაგების ზღვაში.

 ადამიანებს ქუჩის და ეკლექტიკური ვინტაჟური სტილის სამოსი ამშვენებდათ. თითქოს თითოეულმა აქ მოსულმა ადამიანმა ტანსაცმელი საკუთარი პიროვნების გამოსახატავად გამოიყენა. დიდი ზომის კაპიშონებმა, მაისურებმა, ექსცენტრიულმა აქსესუარებმა და ცოცხალმა ვარცხნილობებმა, ურბანული სტილი ადამიანის შემოქმედების გაგრძელება და საერთო გამოცდილების განუყოფელი ნაწილი გახადა.

ფესტივალის დასასრულს რომ მიუახლოვდა, იმ ემოციებისა და გამოცდილების ქარიშხალზე დავიწყე ფიქრი, რომელიც მთელი ფესტივალის განმავლობაში ვითარდებოდა. მოგონებებმა, კავშირებმა და დაუვიწყარმა წუთებმა წარუშლელი კვალი დატოვეს ჩემს სულზე. ეს ურბანული სტილის ფესტივალი უფრო მეტი იყო, ვიდრე უბრალოდ წვეულება; ეს იყო მოძრაობა, მრავალფეროვნების ზეიმი და აჯანყება ყოველდღიურობის მოსაბეზრებელი რუტინის წინააღმდეგ.

ურბანული სტილის ფესტივალზე დასწრება ამაღელვებელი და გარდამტეხი გამოცდილებაა. ეს საუკეთესო საშუალებაა განთავისუფლდე ყოველდღიური ცხოვრების შეზღუდვებისგან, მიიღო ძლიერი ენერგია და მოისმინო ის მუსიკა, რომელიც ურბანული სტილის კულტურას განსაზღვრავს. თუ ოდესმე აღმოჩნდებით ისეთ ქალაქში, როგორიც თბილისია, აუცილებლად ჩაიძირეთ ამ ქალაქის ურბანულ სამყაროში და მიეცით მას საშუალება, რომ გაანათოს თქვენი სული. პირობას გაძლევთ, რომ თქვენს მიერ შექმნილი მოგონებები დიდხანს დარჩებიან თქვენთან, მუსიკის დასრულების შემდეგაც კი.